- अर्थ सरोकार सम्बाददाता
काठमाडौं । स्पर्स लघुवित्त वित्तीय संस्थाले आर्थिक वर्ष २०७७/७८ को पहिलो त्रैमासको वित्तीय विवरण सार्वजनिक गरेको छ। सार्वजनिक गरेको विवरण अनुसार संस्थाले २ लाख ५८ हजार रुपैयाँ खुद नाफा कमाएको छ । यो नाफा गत वर्षको तुलनामा ५८.९९% ले कम हो । गत वर्षको यहि अवधिमा संस्थाले ५५ लाख ७ हजार रुपैयाँ खुद नाफा कमाएको थियो ।
यस्तै, संस्थाको खुद ब्याज आम्दानी ५७ हजार रुपैयाँले बढेर १ करोड ४३ लाख १४ हजार रुपैयाँ पुगेको छ । अघिल्लो वर्ष संस्थाले १ करोड ४२ लाख ५७ हजार रुपैयाँ खुद ब्याज आम्दानी गरेको थियो । यता, समिक्षा अवधिमा संस्थाको सञ्चालन नाफा ३९ लाख ८६ हजार रुपैयाँबाट घटेर २८ लाख २ हजार रुपैयाँमा सीमित भएको छ ।
यो असोजमसान्तसम्ममा संस्थाको चुक्ता पुँजी ९ करोड ३७ लाख ४८ हजार रुपैयाँ रहेको छ । जगेडा कोषमा ५ करोड ५९ लाख ९३ हजार रुपैयाँ छ । यता, संस्थाको खराब कर्जा बढेको छ । खराब कर्जा २.५२% ले बढेर ३.१४% पुगेको छ ।
यसअवधिमा संस्थाको प्रतिसेयर आम्दानी वार्षिक ९ रुपैयाँ ६३ पैसा छ । प्रतिसेयर नेटवर्थ १५९ रुपैयाँ ६७ पैसा रहेको विवरणमा उल्लेख छ ।
