काठमाडौं । सेयर लगानीकर्ता रोहन कार्कीले सेयर लगानीकर्ताको संघर्ष सफल भएको बताएका छन् । अर्थमन्त्रालयमा भएको वार्ताबाट लगानीकर्ताको माग सम्बोधन भएसँगै उनले लगानीकर्ताको जित भएको प्रतिक्रिया दिएका छन् ।

‘लगानीकर्ताले संघर्ष गरेप्रश्चात आज अर्थ मन्त्रालयले माग सम्बोधन गरेको छ । अब अन्तिम कर भनेकै ५ र ७.५ प्रतिशत रहने भएको छ ।’, अर्थ सरोकारसँग कुराकानी गर्दै कार्कीले भने, ‘हाम्रा खास माग पूरा भएसँगै आन्दोलनका सम्पूर्ण कार्यक्रम फिर्ता भएका छन् । यो लडाईमा हामीले जितेका छौँ ।’

अर्थमन्त्रालयमा भएको वार्तामा सरकारले आर्थिक विधेयकमार्फत ल्याएको नयाँ कर नीति खारेज गर्दै पुरानै नीति कार्यान्वयन गर्ने सहमति गरेको छ । योसँगै पछिल्लो तीन दिनदेखि आन्दोलनरत सेयर लगानीकर्ताहरुमा उत्साह देखिएको छ ।