">
- अर्थ सरोकार सम्बाददाता
काठमाडौं । जिल्ला प्रशासन कार्यालय काठमाडौंले दसैँका बेला अत्यावश्यक कामबाहेक बाहिर ननिस्कन आग्रह गरेको छ । कोरोना भाइरसको हटस्पट बनेको काठमाडौंमा दसैँका बेला अत्यावश्यक कामबाहेक बाहिर ननिस्कन प्रसाशनले जिल्लाबासीहरुलाई आग्रह गरेको हो ।
प्रसाशनले सबैलाई सचेत हुन अनुरोध पनि गरेको छ । सहायक प्रमुख जिल्ला अधिकारी जीवनप्रसाद दुलालले जारी गरेको सूचनामा व्यक्तिगत तथा सामूहिक सचेतता अपनाइ जो जहाँ छौं त्यही ठाउँमा पर्व मनाउन आग्रह गरिएको छ । प्रशासनले घरबाहिर निस्कनै पर्नै भएमा स्वास्थ्य मापदण्डको पूर्ण पालना गर्न पनि अनुरोध गरेको छ ।
चाडपर्वमा कोरोनाको महामारी नफैलियोस् भन्नको लागि काठमाडौं प्रशासनले गत भदौं ३१ गते जारी गरेको आदेशको पूर्ण पालना गर्न पनि प्रशासनले अनुरोध गरेको छ । प्रसासनले महामारी न्यूनीकरणको लागि भन्दै असोज २७ गतेदेखि अत्यावश्यकबाहेकका प्रशासनबाट हुने सबै सेवा स्थगित गरेको छ ।
