काठमाडौँ । साताको कारोबारको दोस्रो दिन सोमबार सेयर बजार बढेको छ । आइतबारको तुलनामा बजार १३.५८ अंकले बढेर १५७०.३८ बिन्दुमा पुगेको छ । 

नेपाल स्टक एक्सचेन्ज (नेप्से)का अनुसार कुल १ सय ८९ कम्पनीको ३३ लाख ५३ हजार २०१ कित्ता सेयर खरिद बिक्री हुँदा ९७ करोड ९० लाखमाथिको कारोबार भएको छ । जसमा सबैभन्दा बढी कारोबार अपि पावरको प्रोमोटर सेयरको भएको छ । यस कम्पनीको कुल ४ करोड २ लाखमाथिको कारोबार भएको छ । त्यसपछि कारोबार क्रमश : अरुण काबेली हाइड्रोपावर र एनसीसिउ बैंक को कारोबार भएको छ ।

यता सोमबारको कारोबारमा व्यापार उपसुचक घटेको छ भने बाँकी सबै उपसुचक बढेका छन् । सबैभन्दा धेरै जनरल इन्स्योरेन्स र युनियन हाइड्रोपावरका लगानीकर्ताले कमाएका छन् भने सबैभन्दा धेरै गणपति माइक्रोफाइनान्स र एनसीसी बैंकको प्रोमोटर सेयरका लगानीकर्ताले गुमाएका छन् ।