काठमाडौं । नेपाल राष्ट्र बैंकले १० अर्व बराबरको विकाश ऋणपत्र बिक्री गर्ने भएको छ । सरकारलाई आवश्यक रकम जुटाउन राष्ट्र बैंकले असोज २५ गते बिहीबार ८ वर्षे अवधिको विकाश ऋणपत्र बिक्री गर्ने भएको हो ।
राष्ट्र बैंकले असोज २६ गते निष्काशन गर्न लागेको सो ऋणपत्रको दिउँसो ३ बजेसम्म बोलकबोल हुने भएको छ । विकास ऋणपत्र २०८८ ‘घ’ नाम दिइएको उक्त ऋणपत्र सर्वसाधारण नागरिक, बैंक तथा वित्तीय संस्था, गैर बैंक वित्तीय संस्था, बिमा कम्पनी तथा संगठित संस्थाहरुले खरिद गर्न सक्नेछन् ।
ऋणपत्र धितो राखेर बैंक तथा फाइनान्स कम्पनीबाट कर्जा लिनदिन पनि पाइनेछ । साथै, यसको ब्याजदर भुक्तानी अर्धवार्षिक रूपमा हुने जनाईएको छ । ब्याजदर बोलकबोलकको मध्यमबाट निर्धाराण हुने छ भने आर्जित ब्याजमा ब्याजकर लाग्ने केन्द्रीय बैंकले जनाएको छ ।
प्रतिस्पर्धी र अप्रतिस्पर्धी समूहभित्र रहेर ऋणपत्र बिक्री गर्न लागिएको बैंकले जनाएको छ । प्रतिस्पर्धी बोलवालालाई निष्कासित रकमको ८५ प्रतिशत अर्थात् ८ अर्ब ५ करोड रुपैयाँ र अप्रतिस्पर्धी बोलवालालाई निष्कासित रकमको १५ प्रतिशत अर्थात् १ अर्ब ५ करोड रुपैयाँ छुट्याइएको छ ।
इच्छुक लगानीकर्ताले ऋणपत्र खरिदका लागि अनलाइनबाटै आवेदन दिन सक्नेछन् । ऋणपत्र घटीमा ५० हजार रुपैयाँ र बढीमा कुल निष्काशन रकमको सीमामा नबढाई ५० हजारले भाग गर्दा निःशेष भाग जाने अंकमा हुनुपर्ने सूचनामा उल्लेख छ ।
3.Suchana-for-web-Upload
