काठमाडौँ । ज्योति विकास बैंकको नाफा आधाले घटेको छ । बैंकले सार्वजनिक गरेको चालु आर्थिक वर्षको पहिलो त्रैमासको अपरिष्कृत वित्तीय विवरणअनुसार ज्योति विकास बैंकको खुद नाफा ४९.२५ प्रतिशतले घटेको हो । समीक्षा अवधिमा बैंकले ५ करोड ८ लाख रुपैयाँ खुद नाफा आर्जन गरेको छ । जबकी गत वर्षको सोही अवधिमा बैंकले १० करोड ९८ हजार रुपैयाँ खुद नाफा कमाएको थियो ।
यसअवधिमा बैंकको खुद ब्याज आम्दानी घट्नु र इम्पेरमेन्ट चार्ज बढेका कारण बैंकको नाफाबा दबाब पुगेको हो । समीक्षा अवधिमा बैंकको खुद ब्याज आम्दानी ३.७७ प्रतिशतले घटेको छ भने बैंकको खुद फि तथा कमिशन ४.६५ प्रतिशतले बढेको छ । त्यस्तै, बैंकको कुल सञ्चालन आम्दानी ०.१४ प्रतिशतले बढेको छ । चालु आर्थिक वर्षको पहिलो त्रैमासमा बैंकको निष्क्रिय कर्जा २.५ प्रतिशतबाछ बढेर ३.७५ प्रतिशत पुगेको छ । जसका कारण बैंकको इम्पेरमेन्ट चार्ज बढेर ३३ करोड ६४ लाख रुपैयाँ पुगेको छ ।
चालु आर्थिक वर्षको पहिलो त्रैमाससम्ममा बैंकको वितरणयोग्य मुनाफा १३ करोड १५ लाख रुपैयाँ ऋणात्मक रहेको छ भने प्रतिसेयर वितरणयोग्य मुनाफा ११ रुपैयाँ ९७ पैसा ऋणात्मक रहेको छ ।
समीक्षा अवधिमा बैंकको नाफासँगै प्रतिसेयर आम्दानी (ईपीएस) पनि घटेको छ । यसअवधिमा बैंकको ईपीएस ४ रुपैयाँ ७६ पैसाले घटेर ४ रुपैयाँ ६२ पैसा कायम भएको छ । असोज मसान्तसम्ममा बैंकको मूल्य आम्दानी अनुपात ६१.४५ गुणा रहेको छ भने प्रतिसेयर नेटवर्थ १३६ रुपैयाँ ७० पैसा रहेको छ ।
