• अर्थ सरोकार सम्बाददाता 

दाङ । दाङको बबई गाउँपालिका अध्यक्ष भुवनेश्वर पौडेलसहित ५ जना जनप्रतिनिधी र कर्मचारीमा कोरोना संक्रमण पुष्टी भएको छ । असोज २३ गते गाउँपालिकाका केही जनप्रतिनिधी तथा कर्मचारीको स्वाब संकलन गरी पीसीआर परीक्षणको लागी पठाएकोमा सोमबार कोरोना पुष्टी भएको हो । 

अध्यक्षसहित अन्य कर्मचारीमा कोरोना पुष्टी भएपछि मंगलबारदेखी ५ दिनसम्मको लागी गाउँपालिका कार्यालय, ७ वटै वडा कार्यालय, गाउँपालिकाका सबै स्वास्थ्य चौकी तथा मातहतका सबै कार्यालयबाट हुने सेवा बन्द भएकोसमेत एक सुचना जारी गरिएको छ । यस्तै यातायात व्यवस्था कार्यालय दाङ पनि शुक्रबारसम्मको लागि बन्द भएको छ ।