काठमाडौँ । व्यवसायी दुर्गा प्रसाईंले बन्दी प्रत्यक्षीकरणको रिट निवेदन दायर गरेका छन् । राष्ट्र, राष्ट्रियता, धर्म, संस्कृति र नागरिक बचाउ महाअभियानको नेतृत्वकर्तासमेत रहेका प्रसाईंले प्रसाईंले शुक्रबार आफूलाई सरकारले नजरबन्दमा राखेको भन्दै सर्वोच्च अदालतमा बन्दी प्रत्यक्षीकरणको रिट निवेदन दायर गरेका हुन् । 

अदालतमा दायर गरिएको रिटमा सरकारले ठूलो संख्यामा प्रहरीको ‘टास्क फोर्स’ स्ट्याण्बाई राखेर बाहिर निस्किनसमेत नदिएको आरोप लगाएका छन् । 

वरिष्ठ अधिवक्ता डा. सुरेन्द्र भण्डारीले प्रसाईंका तर्फबाट बन्दी प्रत्यक्षीकरणको रिट निवेदन दायर गराएका हुन् । सर्वोच्चमा दायर भएको उक्त रिट निवेदनमाथि आइतबार सुनुवाई हुने भएको छ । 

हाल प्रहरीले प्रसाईंको आन्दोलनलाई लक्षित गर्दै काठमाडौँको तीनकुनेमा विशेष सुरक्षा परिचालन गरेको छ । तीनकुनेमा प्रहरीले प्रसाईंका समर्थकलाई धमाधम पक्राउ गरिरहेको छ ।