काठमाडौँ । भारतको नेसनल स्टक एक्सचेञ्ज (एनएसई) विश्वको सातौँ ठूलो बजार बनेको छ । वर्ल्ड फेडेरेसन अफ एक्सचेञ्जको तथ्यांक अनुसार नोभेम्बरको अन्त्यसम्ममा एनएसईले कुल बजार पूँजीकरण ३९ खर्ब ८९ अर्ब डलर पुर्याएर विश्वको सातौँ ठूलो बजार बन्न सफल भएको हो ।
यसअघि विश्वको सातौँ ठूलो बजार हङकङ रहेको थियो । यसअवधिमा हङकङको सेयर बजार पूँजीकरण ३९ खर्ब ८४ अर्ब डलर पुगेको छ ।
अहिले पनि एनएसईका प्रमुख सूचकहरु लगातार उकालो गतिमा लागिरहेका बेला हङकङका प्रमुख सूचकहरुमा भने निरन्तर गिरावट देखिएको छ ।
मंगलबार मात्रै एनएसई सूचक ‘निफ्टी ५०’ ले नयाँ अलटाईम हाई बनाएको थियो । योसँगै एशिया प्यासिफिक क्षेत्रमा भारत यस वर्ष सबैभन्दा राम्रो ‘पर्फमेन्स’ दिने बजारका रुपमा स्थापित भएको छ ।
