• अर्थ सरोकार सम्बादादाता

धनगढी । धनगढीमा कार्यरत ट्राफिक प्रहरीमा कोरोना संक्रमण पुष्टी भएको छ । जिल्ला ट्राफिक प्रहरी कार्यालय कैलालीमा कार्यरत एकजना कर्मचारीमा कोरोना संक्रमण पोजेटिभ देखिएको हो । 

बिहिबार धनगढीको सेती प्रादेशिक अस्पतालको प्रयोगशालामा गरिएको परिक्षणमा ट्राफिक प्रहरी कार्यालय कैलालीका सुचना अधिकारी मोहनसिंह धामीलाई कोरोना संक्रमण पुष्टी भएको ट्राफिक प्रहरी निरिक्षक बिरेन्द्र बहादुर बोहराले जानकारी दिनुभयो । उहाँले भन्नुभयो, ‘यसभन्दा अगाडी गरिएको परिक्षणमा उनको रिपोर्ट नेगेटिभ आएको थियो, स्वास्थ्यमा सामान्य समस्या देखिएपछि पुनः परिक्षण गर्दा रिपोर्ट पोजेटिभ आएको हो ।’ 

संक्रमित कर्मचारीको अवस्था सामान्य रहेको र अहिले उनि होम आईसोलेसनमा बसेको प्रहरी प्रमुख बोहराले बताउनुभयो । उहाँले संक्रमितको सम्पर्कमा आएका अन्य कर्मचारीको कन्ट्याक ट्रेसिङ्गका आधारमा अन्यको पनि कोरोना परिक्षण गर्ने तयारी रहेको जानकारी दिनुभयो ।