काठमाडौँ । के तपाईं ऋण लिने सोच्दै हुनुहुन्छ ? वा कुन बैंकबाट ऋण लिने भन्ने दोधारमा हुनुहुन्छ ? वा कुन बैंकले कति ब्याजमा ऋण दिन्छन् ? भन्ने कुरामा अलमल हुनुहुन्छ ? वा बैंकबाट ऋण कसरी लिने, के के कागजात चाहिन्छ भन्ने जानकारी तपाईंलाई नभएर तनावमा हुनुहुन्छ ? यदी हुनुहुन्छ भने, अव तपाईंलाई सहयोगी हुनेगरी अर्थ सरोकार डटकमले ‘बैंकर दाई‘ सार्वजनिक गरेको छ ।

ऋणीलाई कुन बैंकबाट ऋण लिने भन्ने कुराको निर्णय लिन सहयोग होस् भनेर अर्थ सरोकारले सार्वजनिक गरेको ‘बैंकर दाई‘ प्लेटफर्ममार्फत तपाईंले कुन बैंकले कति ब्याजमा ऋण दिन्छन्, कुन बैंकबाट ऋण लिँदा ब्याज सस्तो पर्छ ?, ऋण लिँदा के-के कागज आवश्यक पर्छ लगायतका विषयमा तपाईंले खोजेको जानकारी पाउन सक्नुहुनेछ । तपाईंले लिन खोजेको ऋण कस्तो प्रकारको हो, सो प्रकारको ऋण कुन बैंकले कति ब्याजदरमा दिन्छ भन्ने विवरणसमेत बैंकर दाई प्लेटफर्ममा पाउन सकिने अर्थ सरोकारले जनाएको छ ।

ऋण लिने प्रक्रियामा कुनै प्रक्रिया नबुझे वा विज्ञको सल्लाह चाहिए, अर्थ सरोकारको बैंकर दाई प्लेटफर्ममा सो सेवा पनि उपलब्ध रहेको अर्थ सरोकारले जनाएको छ । आफुले लिन चाहेको ऋणको प्रक्रार हेरी कस्तो ऋण, कुन बैंकले कति ब्याजमा दिन्छ भन्ने थाहा पाउनका लागि प्रयोगकर्ताले बैंकर दाई डट अर्थ सरोकार डटकम लग अनगरी मेनुको loan /ऋण सेक्सनमा गई, आफुले लिन चाहेको ऋणको प्रकार छानी, कुन बैंकले तपाईंलाई कति ब्याजमा ऋण दिन्छ भन्ने विवरण हेर्न सक्नेछन् ।

यसका साथै प्रयोगकर्ताले ‘कुन बैंकको आधार दर कति छ ?’, ‘कुन बैंकको निष्क्रिय कर्जा कति छ ?’ भन्ने जानकारी पनि सो प्लेटफर्ममार्फत लिन सक्नेछन् । यसका लागि प्लेटफर्मको मेनुमा गई बैंकको आधार दर र निष्क्रिय कर्जा लेखिएको लिंकमा क्लिक गर्नुपर्नेछ ।