काठमाडौं । माछापुच्छ्रे बैंकको १०.४०% लाभांश हात पर्ने आज (असोज २१ गते) अन्तिम दिन रहेको छ । बैंकले सभा प्रयोजनको लागि बिहीबार (असोज २२ गते) बुक क्लोज गर्ने भएको छ । 

बैंकको २२ औं वार्षिक साधारणसभा कात्तिक ६ गते होटल पोखरा ग्राण्ड, पार्दि, पोखरामा बिहान ११ बजेदेखि सुरु हुनेछ । सभामा बैंकले गत आर्थिक वर्षको नाफाबाट ७.०३% बोनस सेयर र ३.३७% नगद लाभांश (करसहित) वितरण गर्ने प्रस्ताव पारित गर्ने भएको छ ।

सभामा अन्य उपयुक्त संस्थासँग मर्जर, एक्विजिसन गर्न तथा वैदेशिक रणनीतिक साझेदारीमा जान उपयुक्त देखिएमा सो सम्बन्धि सम्पूर्ण कार्य गर्न सञ्चालक समितिलाई अख्तियारी दिने प्रस्ताव पनि छ । सर्वसाधारण सेयरधनीका तर्फबाट सञ्चालक समितिमा प्रतिनिधित्व गर्ने ३ जना सञ्चालकको नियुक्ति गर्ने प्रस्ताव पनि रहेको छ ।