• अर्थ सरोकार सम्बाददाता 

काठमाडौं । विश्वमा कोरोना संक्रमितको संख्या ३ करोड ५६ लाख नाघेको छ । विश्वभर ३ करोड ५६ लाख ८१ हजार ५ सय ५२ जनामा कोरोना संक्रमण पुष्टी भएको जोन हप्किन्स विश्वविद्यालयले प्रकाशित गरेको तथ्यांकमा उल्लेख छ । सबै भन्दा धेरै संक्रमण पुष्टी हुनेको संख्या अमेरिकामा रहेको छ। अमेरिकामा संक्रमितको संख्या ७४ लाख ९६ हजार २९ पुगेको छ । त्यस्तै भारतमा ६६ लाख ८५ हजार ८२, ब्राजिलमा ४९ लाख २७ हजार २ सय ५३ र रुसमा १२ लाख ३१ हजार २ सय २७ जनामा संक्रमण पुष्टी भएको तथ्यांक रहेको छ।  

त्यस्तै विश्वमा कोरोनाका कारण पछिल्लो तथ्यांक अनुसार १० लाख ४७ सय ७ सय ३१ जनाको मृत्यु भएको तथ्यांकमा उल्लेख गरिएको छ। विश्वभर दुई करोड ४८ लाख ५६ हजार ४ सय ९७ जना संक्रमणमुक्त भएका छन् । नेपालमा पनि ९० हजार ८ सय १४ जनामा कोरोना संक्रमण पुष्टी भएको छ। तीमध्ये ६७ हजार ५ सय ४७ जना संक्रमणमुक्त भएका छन् भने ५ सय ६३ जनाको मृत्यु भएको छ।