• अर्थ सरोकार सम्बाददाता 

काठमाडौं । विश्वमा कोरोना संक्रमितको संख्या तीन करोड ५० लाख नाघेको छ । संक्रमित हुनेको संख्या तीन करोड ५० लाख ७९ हजार १५२ जना पुगेको जोन्स हप्किन्स युनिभर्सिटीको तथ्यांकमा उल्लेख छ । 

अमेरिकामा सबैभन्दा धेरै ७४ लाख १७ हजारभन्दा धेरै संक्रमित फेला परेका छन् भने भारतमा ६६ लाख २३ हजारभन्दा धेरैमा कोरोना संक्रमण पुष्टी भइसकेको छ । ब्राजिलमा कोरोना संक्रमितको संख्या ४९ लाख नाघेको छ भने रुसमा १२ लाख नौ हजारभन्दा धेरै कोरोना संक्रमित फेला परेका छन् । विश्वभर अहिलेसम्म कोरोनाबाट मृत्यु हुनेको संख्या १० लाख ३६ हजार ११ पुगेको छ । अहिलेसम्म विश्वभर दुई करोड ४४ लाखभन्दा धेरै संक्रमित निको भएका छन् ।