काठमाडौँ । नेकपा एमालेका सांसद तथा पूर्वअर्थमन्त्री विष्णु पौडेलले मुलुक आर्थिक मन्दीमा गएको दाबी गरेका छन् । बिहीबारदेखि प्रतिनिधिसभा जारी विनियोजन विधेयक, २०८१ को सिद्धान्त तथा प्राथामिकता (कर बाहेक)माथिको छलफलमा भाग लिँदै पौडेलले यस्तो बताएका हुन् ।

मुलुकको बजेट घाटामा रहेको र लगातार दुई आर्थिक वर्ष बजेट घाटामा जानु आर्थिक मन्दी भएको भन्दै पौडेलले हाल मुलुक आर्थिक मन्दीमा गएको दाबी गरेका छन् ।

तर, मुलुक आर्थिक मन्दीमा गईसक्दा पनि तत्कालीन अर्थमन्त्रीले सो कुरा स्वीकार गर्नुको साटो उल्टै गलत डाटा प्रस्तुत गरेर अर्थतन्त्रको वास्तविक अवस्थालाई गुमराहमा राखेको पनि आरोप लगाएका छन् ।

त्यस्तै, पूर्वअर्थमन्त्री पौडेलले अर्थमन्त्री हुँदा डा.प्रकाशशरण महतले बजेट घटाउनुपर्ने बाध्यता, किसानको ६ अर्ब झुक्तानी, निर्माण व्यवसायीहरुको बाँकी रकम भुक्तानीलाई बेवास्ता गरेको पनि अरोप लगाएका छन् । साथै उनले हाल मन्दीमा रहेको मुलुकको अर्थतन्त्रलाई अब गम्भीरताका साथ सुधारको बाटोमा लैजानुपर्ने पनि उल्लेख गरेका छन् ।