काठमाडौं। मार्च महिनामा दक्षिण कोरियाको बेरोजगारी दर ९.१ प्रतिशतले घटेको छ । शिक्षा सेवा, उत्पादन र थोक तथा खुद्रा क्षेत्रमा माग घटेको कारण बेरोजगारी दर घटेको श्रम मन्त्रालयको तथ्यांकले देखाएको छ ।
रोजगार र श्रम मन्त्रालयको तथ्यांक अनुसार रोजगार खोज्नका लागि मार्चमा नयाँ आवेदकहरूको सङख्या एक लाख ३० हजार ८०० पुगेको छ । जुन गत वर्षको सोही अवधिको तुलनामा ९.१ प्रतिशतले कमी हो । फेब्रुअरीमा दोहोरो अंकमा झरेको यो सङ्ख्या लगातार दोस्रो महिना पनि तल झरेको हो ।
शिक्षा सेवा, उत्पादन, थोक तथा खुद्रा उद्योगमा लाभग्राहीको अवस्थामा कमी आएको छ । तर वित्त, बिमा, सूचना तथा सञ्चार क्षेत्रमा भने गत महिनाको तथ्यांकमा वृद्धि भएको छ ।
बेरोजगारीको अत्यधिक सङ्ख्यालाई लिएर रोजगारी खोज्न मद्दत गर्न सरकारले रोजगारी खोज्न सघाउने प्रस्ताव गरेको छ । यो कार्यक्रम राज्यको रोजगार बिमा कोषद्वारा वित्त पोषित छ ।
रोजगार प्राप्तकर्ताहरूको सङ्ख्या मार्चमा छ लाख ५४ हजार ६०० थियो । जुन एक वर्ष अघिको समान अवधिको तुलनामा तीन प्रतिशतले कम हो । यसले १४ महिनाको पहिलो गिरावटलाई अंकित गरेको छ ।
कूल रोजगारी प्राप्तिको अवस्था ६.२ प्रतिशतले घटेर (६९.६ अर्ब वोन ९७१६.७ मिलियन अमेरिकी डलर) मा झरेको छ ।
