• अर्थ सरोकार सम्बाददाता 

विराटनगर । विराटनगरमा थप १ जना कोरोना संक्रमितको मृत्यु भएको छ । कोशी अस्पतालमा सुनसरीको दुहबी नगरपालिका ५ का ६० वर्षीय पुरुषको उपचारका क्रममा मंगलबार मृत्यु भएको हो ।

संक्रमित पुरुषमा ज्वरो, खोकी र श्वासप्रश्वासको समस्या थियो । उनी सोमबार दिउँसो अस्पतालमा भर्ना भएका थिए । अस्पतालका अनुसार मृत्युपछि स्वाब संकलन गरेर पीसीआर परीक्षण गर्न पठाउँदा रिपोर्ट पोजेटिभ आएको थियो ।