- अर्थ सरोकार सम्बाददाता
काठमाडौँ । साताको कारोबारको तेश्रो दिन मंगलबार सेयर बजार घटेको छ । सोमबारको तुलनामा बजार ७.२१ अंकले घटेर १५५३.६२ बिन्दुमा पुगेको छ ।
नेपाल स्टक एक्सचेन्ज (नेप्से)का अनुसार कुल १ सय ९१ कम्पनीको ७३ लाख ५ हजार १११ कित्ता सेयर खरिद बिक्री हुँदा १ अर्व ८२ करोडमाथिको कारोबार भएको छ । जसमा सबैभन्दा बढी कारोबार अरुण भ्याली हाइड्रोपावरको भएको छ । यस कम्पनीको कुल १७ करोड ४१ लाखमाथिको कारोबार भएको छ । त्यसपछि कारोबार क्रमश : हिमाल दोलखा हाइड्रोपावर र नेपाल पुनर्बिमा कम्पनीको भएको छ ।
यता, मंगलबारको कारोबारमा हाइड्रोपावर, म्यानुफक्चार एण्ड प्रोडक्सन र म्युचुअल फण्ड उपसुचक बढेको छ भने बाँकी सबै उपसुचक घटेको छ । सबैभन्दा धेरै जोशी हाइड्रोपावर र हिमालयन उर्जा हाइड्रोपावरको लगानीकर्ताले कमाएका छन् भने सबैभन्दा धेरै सपोर्ट लघुवित्त वित्तीय संस्था र रिलाइन्स फाइनान्सका लगानीकर्ताले गुमाएका छन् ।
