काठमाडौँ । वाइवाइ चाउचाउ गुणस्तर परिक्षणमा फेल भएको छ । काठमाडौँ महानगरको पहलमा भएको गुणस्तर परिक्षणमा वाईवाई चाउचाउमा प्रयोग भएको एसिड भ्यालु अधिक रहेको पाइएपछि चाउचाउको गुणस्तर फेल भएको हो ।
महानगरपालिकाका अनुसार नेपाल राजपत्रको गुणस्तरभन्दा बढी मात्रामा एसिड प्रयोग भएको पाईएपछि वाईवाई उत्पादक कम्पनीलाई २ लाख रुपैयाँ जरिवाना गराइएको छ भने ब्याच नं ६० जीएमआरएस २० एआर वाइएल २३ सीएचआइ २०८० ब्याचको चाउचाउ बजारबाट फिर्ता गर्न निर्देशन दिईएको छ ।
चाउचाउमा प्रयोग गरिने एसिड भ्यालु अफ एक्स्ट्रयाक्टेड फ्याट एनएमटी १ एम जी हुनुपर्नेमा चाउचाउमा १३.९३४ मिलिग्राम एसिड भ्यालु भेटिएपछि चाउचाउको गुणस्तर फेल भएको हो ।
