• अर्थ सरोकार सम्बाददाता 

धादिङ । धादिङको साना किसान कृषि सहकारी संस्थामा ताला लगाइएको छ । सोही संस्थामा आवद्द सदस्यहरुले कार्यालयमा तालाबन्दी गरेका हुन् । सहकारीका कर्मचारीहरुले किर्तेरुपमा किसानहरुको नामबाट ऋण प्रवाह गरी रकम अपचलन गरेको भन्दै छानविनको माग राखी उनीहरुले कार्यालयको मुल गेटमा ताला लगाएका हुन् ।

सहकारीका कर्मचारीहरुले आफुखुसी ६७ लाख ५० हजार रुपैयाँँ सदस्यहरुको नामबाट ऋण निकाली आफैले प्रयोग गरेको छानविन समितिले किटान गरेको थियो । छानविन समिति दिएको प्रतिवेदनपछि कर्मचारीहरुले आंफुहरुबाट गल्ती भएको भन्दै ऋण लगानीका नाममा लिईएको रकम संस्थामा फिर्ता गरेका थिए । 

त्यसपछी कर्मचारीले पदबाट राजिनामा दिएका छन् । यता शेयर सदस्यहरुले उनिहरुको राजिनामापछि पाउने सेवा सुविधाका बिषयमा आपत्ति जनाउँदै विरोध जनाएका छन् । जससंगै सहकारीबाट हुने सेवा प्रवाह प्रभावित बनेको छ ।