काठमाडौँ । नेपालमा सामाजिक सुरक्षा भत्ता लिनेको संख्या ३७ लाख नाघेको छ । संसदमा पेश भएको आर्थिक सर्वेक्षण २०८०/८१ मा देशभर सामाजिक सुरक्षा भत्ता पाउनेको संख्या ३७ लाख ६ हजार ३ सय २७ पुगेको हो ।
सर्वेक्षणमा उल्लेख गरिएको उक्त संख्या चाल आर्थिक वर्षको फागुन मसान्तसम्मको हो ।
यसरी सरकारले वितरण गर्ने सामाजिक सुरक्षा भत्ता ज्येष्ठ नागरिक, अशक्त, अपाङ्गता, एकल महिला लगायतका व्यक्तिहरुलाई दिइँदै आएको छ ।
यसअवधिमा सरकारले कुल ५६ अर्ब ४४ करोड रुपैयाँ सामाजिक सुरक्षा भत्ता वितरणमा खर्च गरेको पनि सर्वेक्षणमा उल्लेख गरिएको छ । आर्थिक सर्वेक्षण २०८०/८१ अर्थमन्त्री वर्षमान पुनले आइतबार प्रतिनिधिसभाको बैठकमा पेश गरिसकेका छन् ।
