काठमाडौँ । नेपाल चार्टर्ड एकाउन्टेन्ट्स संस्था (आइक्यान)को चुनाव नजिकिँदै गर्दा चुनावका उम्मेदवार र मतदाताबीच परिचयात्मक तथा अन्तरक्रियात्मक कार्यक्रम आयोजना हुने भएको छ ।
आज (शुक्रबार) भक्तपुरस्थित जर्मन होम्समा दिउँसो ३ बजेदेखि बेलुकी ६ बजेसम्म सो कार्यक्रम आयोजना हुनेछ ।
एक्यान भक्तपुरका अध्यक्ष सिए थानेश्वर बस्यालका अनुसार दिउँसो ३ बजे सो कार्यक्रम सुरु हुनेछ भने बेलुकी ६ बजेसम्म कार्यक्रम सञ्चालन हुनेछ । त्यसपछि रात्रिभोज हुनेछ ।
कार्यक्रममा सिए सरोकार डटकम मिडिया पार्टनरका रुपमा सहभागी छ । सो कार्यक्रमपछि सिए सरोकार डटकममासमेत आइक्यान चुनाव विशेष शृङ्खला सुरु हुँदैछ । आइक्यानको चुनाव यही चैत्र २५ गते काठमाडौँको स्काई दरबार बैङ्क्वेटमा हुँदैछ ।
