काठमाडौं। साताको कारोबारको अन्तिम दिन बिहीबार सेयर बजार मापक नेप्से परिसूचक घटेको छ । बुधबारको तुलनामा नेप्से परिसूचक १०.४४ अंकले घटेर २०६८.३१ बिन्दुमा पुगेको हो ।

नेप्सेमा कुल ३ सय ६ कम्पनीको ८६ लाख ६३ हजार ६ सय ९९ कित्ता सेयर खरिदबिक्री हुँदा ३ अर्ब ८७ करोडमाथिको सेयर कारोबार भएको छ ।

बिहीबार सबैभन्दा बढी कारोबार माउन्टेन इनर्जी नेपालको भएको छ । यस कम्पनीको १७ करोड १४ लाख ८४ हजार ८ सय १४ रुपैयाँ ३० पैसा बराबरको सेयर कारोबार भएको छ ।

आजको सेयर बजारमा सबैभन्दा बढी नाफा कालिका लघुवित्त वित्तीय संस्थाका लगानीकर्ताले कमाएका छन् । यस कम्पनीको सेयर मुल्य ७ प्रतिशत भन्दा धेरैले बढेको हो।यस अलवा बाराही हाइड्रोपावर, सनराइज ब्लुचिप फण्ड, गुडवील फाइनान्स, ग्रिन भेन्चर र नेपाल फाइनान्सका लगानीकर्ताहरु पनि मालामाल भएका छन् । हेर्नुहोस् बिहीबारको सेयर बजारमा सबैभन्दा धेरै नाफा गर्ने कम्पनीहरुको सूचीः

यसैबीच बिहीबारको सेयर बजारमा सबैभन्दा बढी कारोबार एमाउन्टेन इनर्जी नेपालको भएको छ । यस कम्पनीको १७ करोड १४ लाख ८४ हजार ८ सय १४ रुपैयाँ ३० पैसा बराबरको सेयर कारोबार भएको छ । यस अलावा एनआरएन इन्फ्रास्ट्रकचर, सीइडीबी हाइड्रोपावर, पोखरा फाइनान्स, गुर्खाज फाइनान्स र ग्लोबल आइएमई लघुवित्त वित्तीय संस्थामा पनि अत्याधिक कारोबार भएको छ । हेर्नुहोस् बिहीबारको सेयर बजारमा सबैभन्दा धेरै कारोबार गर्ने कम्पनीहरुको सूचीः

यस्तै बिहीबारको सेयर बजारमा कुथेली बुखरी स्माल हाइड्रोपावरका लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ९ प्रतिशत भन्दा धेरैले घटेको हो। कुथेली बुखरी स्माल हाइड्रोपावरमा यस्तो गिरावट आउँदा भगवती हाइड्रोपावर, ग्लोबल आइएमई लघुवित्त वित्तीय संस्था, स्वाभिमान लघुवित्त वित्तीय संस्था र मनकामना स्मार्ट लघुवित्तमा पनि उच्च गिरावट देखिएको छ । हेर्नुहोस् बिहीबारको सेयर बजारमा सबैभन्दा बढी गुमाउने कम्पनीहरुको सूचीः