काठमाडौँ । इन्डोनेसियाले अवैध अनलाइन जुवा खेलाउने २० लाखभन्दा बढी वेबसाइटहरू बन्द गरेको छ । अनलाइन जुवालाई नयाँ महामारी भएको जनाउँदै त्यहाँको सञ्चार मन्त्रालयले रोकथाममा कदम चाल्नुपरेको जनाएको छ । 

विश्वको सबैभन्दा ठूलो मुस्लिम बहुल राष्ट्रमा अनलाइन जुवा खेल्न प्रतिबन्धित छ । तर, गत वर्ष ३० मिलियनभन्दा बढी इन्डोनेसियालीहरूले करिब २० बिलियन अमेरिकी डलर, वा सकल घरेलु उत्पादनको १.५ प्रतिशत बराबरको गतिविधिमा संलग्न भएको सरकारी तथ्यांकले देखाएको छ । ‘हामी अनलाइन जुवाविरुद्ध विश्वव्यापी युद्ध लडिरहेका छौँ ।’, सञ्चार मन्त्री बुडी एरी सेटियाडीले भनिन् ।

‘अनलाइन जुवा धेरै चिन्ताजनक छ । यसले मानिसहरूको रगत चुसिरहेको छ ।’, बुडीले भनिन्, ‘अनलाइन जुवाले पारिवारिक वित्तलाई कमजोर पार्छ र प्रायः महिलाहरूमा सबैभन्दा ठूलो भार पार्छ ।’

एक मिडिया रिपोर्ट अनुसार गत हप्ता एक इन्डोनेसियाली महिला प्रहरीले आफ्ना श्रीमानलाई जुवा खेल्ने लतका कारण आगो लगाएकी थिइन् । जसले उनीहरूलाई आर्थिक रूपमा संघर्ष गर्न छाडेको बताइन् । त्यस्तै, गत वर्ष २०२३ देखि गत अप्रिलसम्म भएका आत्महत्याका १४ घटना अनलाइन जुवाका कारण भएको खुलेको छ । अनलाइन जुवा सम्बन्धी ऋण बढेको कारण आत्महत्या भएको तथ्य बाहिर आएको हो ।