काठमाडौँ । कान्तिपुर बहुउद्देश्यीय सहकारी संस्थाका सचिव सिद्धार्थ तातेड पक्राउ परेका छन् । सहकारी ठगीको आरोपमा सप्तरी प्रहरीले तातेडलाई बिहीबार पक्राउ गरेको हो ।
बचतकर्ता रकम हिनामिना गरेको र बचतकर्ताको रकम फिर्ता नगरेको भन्दै सहकारीका ४५ जना सदस्यले दिएको उजुरीका आधारमा तातेडलाई पक्राउ गरिएको सप्तरी प्रहरीले जनाएको छ । तातेडसहित सहकारी सञ्चालकविरुद्ध २०८० साउन १९ गते नै उजुरी परेको भए पनि उनी एक वर्षपछि पक्राउ परेको हुन् ।
हाल पक्राउ परेका तातेडलाई अदालतबाट म्याद थप गरी थप अनुसन्धान सुरु गरिएको प्रहरीले जनाएको छ । उक्त सहकारीमा बचतकर्ताको लाखौँ रुपैयाँ हिनामिना भएको प्रहरीमा परेको उजुरीमा उल्लेख छ ।
पक्राउ परेका तातेड राजविराज नगरपालिका वडा नम्बर ३ का वडा सदस्यसमेत हुन् ।
