• अर्थ सरोकार सम्बाददाता 

जनकपुरधाम । जनकपुरधामस्थित प्रादेशिक अस्पतालमा थप १ कोरोना संक्रमितको मृत्यु भएको छ ।  महोत्तरीको लोहारपट्टी नगरपालिका-३ का ६० वर्षीय एक पुरुषको कोरोना सं‌क्रमणका कारण आइतबार मृत्यु भएको हो ।

ज्वरो र सास फेर्न कठिनाइ भएपछि गत भदौ २२ गते अस्पतालमा भर्ना भएको थियो । उनको त्यहि दिन स्वाब संकलन गरी प्रयोगशाला पठाइएकामा भदौ २४ गते रिपोर्ट पोजेटिभ आएको थियो । उनी उच्च रक्तचापका बिरामी थिए । योसँगै महोत्तरीमा कोरोना संक्रमण पुष्टि भएर मृत्यु हुनेको संख्या १३ पुगेको छ ।