काठमाडौँ । सहकारी पीडितहरुले भूमि व्यवस्था, सहकारी तथा गरिबी निवारण मन्त्री बलराम अधिकारीको राजिनामा माग्दै काठमाडौँमा विरोध प्रदर्शन गरेका छन् । उनीहरुले काठमाडौँको रत्नपार्क शान्तिबाटिकामा प्रदर्शन गरेका हुन् ।
प्रदर्शनमा उनीहरुले सहकारी मन्त्री अधिकारीको पोस्टरमा चप्पलले, लात्तीले हानेका थिए भने मन्त्रीको पुत्लासमेत जलाएका थिए ।
मन्त्रीको पुत्ला जलाउँदै सहकारी पीडितले सहकारी ठगी गर्नेहरुको सम्पत्ति जफत गर्न, सहकारी ऐन संशोधन गर्न, सहकारी विभाग र सहकारी समस्याग्रस्त व्यवस्थापन विभागको काम चुस्त र प्रभावकारी बनाउन माग गरेका छन् ।
त्यस्तै, उनीहरुले सहकारी ठगेर फरार हुनेको खोजी गरी तत्काल पक्राउ गरेर कारबाही गर्न र सहकारी पीडितहरुको पैसा फिर्ता गराउनसमेत सरकारसँग माग गरेका छन् । बाँकी फोटो फिचरमा हेर्नुहोस्ः
