• अर्थ सरोकार सम्बाददाता 

वीरगञ्ज । वीरगञ्जको नारायणी अस्पतालमा गरिएको पीसीआर परीक्षणमा थप २९ जनामा कोरोना संक्रमण पुष्टी भएको छ । पर्साका १३ जना, बाराका ९ र रौतहटका ७ जनामा कोरोना संक्रमण पुष्टी भएको हो । १९ देखि ६० वर्ष उमेर समूहका संक्रमितमध्ये ८ जना महिला रहेको नारायणी अस्पतालका प्रवक्ता बरिष्ठ चर्मरोग विशेषज्ञ डाक्टर अतुलेश कुमार चौरसियाले जानकारी दिए । ५ सय ८० वटा स्वाब नमुना परीक्षण गर्दा २९ जनामा संक्रमण देखिएको हो ।

वीरगन्ज महानगरपालिकाको विभिन्न वडामा ८ जना संक्रमित थपिएका छन् । महानगरको वडा १०, १२, १३ र १६ मा एकरएक जनामा कोरोना पोजिटिभ देखिएको हो । वीरगन्जका चार जना संक्रमितको वडा खुलेको छैन ।पर्साको कालिकामाई गाउँपालिका– १ र वडा ५ मा एकरएक जनामा संक्रमण पुष्टी  भएको छ । सखुवाप्रसौनी गाउँपालिका– २ मा दुई जना संक्रमित थपिएका छन् । वीरगन्जको आर्मी ब्यारेकमा थप एक जनामा कोरोना पोजिटिभ देखिएको छ । विभिन्न जिल्लाका वीरगन्ज हेल्थ केयर अस्पतालमा रहेका ३ जनामा कोरोना पुष्टी  भएको छ ।