- अर्थ सरोकार सम्बाददाता
हेटौंडा । मकवानपुरमा पछिल्लो २४ घण्टामा ८० जनामा कोरोना संक्रमण पुष्टी भएको छ । कीटजन्य रोग अनुसन्धान तथा तालिम केन्द्रको प्रादेशिक प्रयोगशालामा गरिएको परीक्षणमा ७२ जनामा र चितवन मेडिकल कलेजमा गरिएको परीक्षणमा मकवानपुरका ८ जनामा कोरोना संक्रमण पुष्टी भएको हो ।
हेटौंडामा भेटिएका ७२ जना संक्रमितमध्ये ६२ जना हेटौंडा उपमहानगरपालिकाभित्रका रहेका छन् । हेटौंडा आइसोलेसन वार्डका इञ्चार्ज भोला चौलागाईंले २ वर्षका बालकदेखि ७३ वर्षका वृद्धासम्ममा संक्रमण पुष्टी भएको हो । जसमा ४३ जना पुरुष र २९ जना महिला रहेका छन् ।
यस्तै चितवनमा गरिएको पीसीआर परीक्षणबाट हेटौंडा–३ का २८ वर्षीय पुरूष, हेटौंडा–५ का २८, ३१ र ३३ वर्षीय पुरुष, हेटौंडा–८ का २६ वर्षीय पुरूष र ३२ वर्षीया महिला, मनहरी–६ की ८६ वर्षीया वृद्धा र बकैया–६ का ३३ वर्षीय पुरूषमा कोरना देखिएको हो ।
