- अर्थ सरोकार सम्बाददाता
काठमाडौं । एनआरएन लघुवित्त वित्तीय संस्थाको शनिबार (भदौ २० गते) विशेष साधारण सभा बस्ने भएको छ । संस्थाको साधारणसभा धनगढीको होटल साथीमा बिहान ११ बजे सुरु हुनेछ ।
सभामा एफपीओ निष्कासन गर्ने विशेष प्रस्ताव पेस गर्ने भएको छ । साथै, ४ जना संस्थापक र २ जना सर्वसधारण सेयरधनी गरी कुल ६ जना सञ्चालकहरुको निर्वाचन गर्ने एजेन्डा पनि रहेको छ। संस्थाको नाम र ठेगना परिवर्तन गर्नका लागि नियमावली र प्रबन्धपत्र संसोधन गर्ने एजेन्डा पनि छ ।
हाल सम्म एनआरएनले ४३ जिल्लामा शाखा विस्तार गरिसकेको छ । आगामी १ वर्ष भित्र बाँकी रहेका ३४ जिल्लामा शाखा विस्तार गरि ७७ वटै जिल्लामा कारोबार विस्तार गर्ने योजना बनाएको छ । एफपीओ जारी गरी चुक्ता पुँजी १ अर्ब पुर्याउने योजना पनि रहेको छ ।
