- अर्थ सरोकार सम्बाददाता
काठमाडौं । कोरोनाबाट संक्रमित हुने नेपाल प्रहरीका कर्मचारीको संख्या २ हजार नाघेको छ । देशभर गरी २ हजार ३२ जना प्रहरी कर्मचारीमा कोरोना संक्रमण भएको प्रहरी प्रधान कार्यालयले जनाएको छ । सबैभन्दा बढी काठमाडौं उपत्यकामा ६ सय १३ जना प्रहरी कर्मचारीलाई कोरोना भाइरसको संक्रमण देखिएको छ । काठमाडौं उपत्यका पछि सबैभन्दा बढी प्रदेश १ मा २ सय २ जना प्रहरी कर्मचारीमा संक्रमण देखिएको छ ।
यस्तै, प्रदेश २ मा १ सय १४ र काठमाडौं उपत्यका बाहेक बागमती प्रदेशमा ५५ जना प्रहरी कर्मचारीमा कोरोना संक्रमण पुष्टी भएको छ । यस्तै, गण्डकी प्रदेशमा ८०, प्रदेश ५ मा ९३ जना , कर्णाली प्रदेशमा ४० जना र सुदूरपश्चिम प्रदेशमा १५ जना प्रहरी कर्मचारीमा कोरोनाको संक्रमण पुष्टी भएको छ । कोरोना भाइरसको संक्रमण देखिएका प्रहरी कर्मचारीमध्ये ८ सय २० जना संक्रमण मुक्त भइसकेका छन् । अझै १ हजार २ सय १२ जना सक्रिय संक्रमित छन् ।
