• अर्थ सरोकार सम्बाददाता 

पोखरा । गण्डकी प्रदेशसभा सदस्य मोहनप्रसाद रेग्मीलाई कोरोना संक्रमण पुष्टी भएको छ । स्याङ्जाबाट निर्वाचित सांसद रेग्मीलाई बिहीबार बिहान कोरोना संक्रमण पुष्टि भएको हो । उनी प्रदेश सभाअन्तर्गत विधायन समितिका सभापति पनि हुन् । संक्रमितको कन्ट्याक्ट ट्रेसिङमा परेपछि रेग्मीको स्वाब परीक्षण गरिएको थियो ।

रेग्मीमा कोरोनाको कुनै लक्षण भने देखिएको छैन । सभापति रेग्मीले कामका सिलसिलामा धेरै जनाको सम्पर्कमा रहेको र उनीहरुलाई नआत्तिई सुरक्षित भएर रहन आग्रह गरेका छन् । गण्डकी प्रदेशमा अहिलेसम्म कोरोना संक्रमितको संख्या २ हजार २ सय ७७ पुगेको छ ।