• अर्थ सरोकार सम्बाददाता 

पाँचथर । जिल्ला प्रहरी कार्यालय पाँचथरमा कार्यरत थप एकजना प्रहरी जवानमा कोरोना संक्रमण पुष्टी भएको छ । यो सँगै पाँचथरमा कोरोना संक्रमित सुरक्षाकर्मीको संख्या ६ पुगेको छ । पहिलो पटक गत साउन २४ गते बिराटनगरबाट सरुवा भएर आएका एक प्रहरीमा संक्रमण देखिएसँगै परिक्षण बढाँउदा जिल्लामा संक्रमित प्रहरीको संख्या पनि बढ्न थालेको हो । यसअघि भदौ २ गते १ जना र त्यसपछि एकैसाथ तीनजना जनपथ प्रहरीमा संक्रमण पुष्टी भएको थियो । 

यसैगरी फिदिम स्थित सशस्त्र प्रहरीको फिदिम स्थित हिमशिखर गुल्ममा एक जना सशस्त्र प्रहरी जवानमा संक्रमण देखिएको छ । हालसम्म जिल्लामा ६ सुरक्षाकर्मी सहित कुल संक्रमितको संख्या १५ पुगेको छ । जसमध्ये ८ जना निको भएर फर्केका छन् भने सकृय संक्रमितको संख्या ७ छ ।