वीरगञ्ज । वीरगञ्जमा ९ थुनुवासहित ५७ जनामा कोरोना संक्रमण पुष्टी भएको छ । वीरगञ्जस्थित नारायणी अस्पतालको प्रयोगशालामा गरिएको परीक्षणमा जिल्ला प्रहरी कार्यालय पर्साका ९ जना थुनुवासहित ५७ जनामा संक्रमण पुष्टी भएको हो ।

पर्साका ४२, बाराका १२, रौतहटका २ र सर्लाहीका एक जनामा संक्रमण देखिएको वीरगञ्ज हेल्थ केयर अस्पतालका प्रवक्ता डा. अतुलेश चौरसियाले बताए । पर्सामा मात्र कोरोना संक्रमितको संख्या २ हजार ६४ पुगेको छ । जसमा एक हजार ५ सय ९४ पुरूष र ४ सय ६० महिला छन् ।