![](https://arthasarokar.com/wp-content/uploads/2020/08/Dang.jpg)
- अर्थ सरोकार सम्बाददाता
दाङ । दाङमा हालसम्म ६ सय ७५ जना कोरोनामुक्त भएका छन । दाङमा सबैभन्दा धेरै घोराही उपमहानगरपालिकामा २ सय ८० जना संक्रमित भेटिएकोमा २ सय ७१ जना निको भई घर फर्किएका छन ।बंगलाचुली गाउँपालिकामा एक सय ६० जना संक्रमित पुष्टी भएकोमा सबै निको भैसकेका छन् भने दंगिशरण गाउँपालिकामा ५ जना संक्रमित पुष्टी भएकामध्ये ५ जना नै कोरोना मुक्त भएका छन् । यसैगरी तुलसीपुर उपमहानगरपालिकामा ७८ जनामा कोरोना संक्रमण देखिएको र ६५ जना निको भैसकेका छन् । गढवामा ४५ जनामा संक्रमण पुष्टी भएका मध्य ४३ जना निको भएका छन् भने शान्तिनगरमा ३५ जनामा संक्रमण देखिएकोमा २५ जना कोरोना मुक्त भएका छन् ।
लमही नगरपालिकामा ३५ जनामा संक्रमण पुष्टी भएको र २९ जना कोरोना मुक्त भएका छन् । यसैगरी, राप्ती गाउँपालिकामा ३४ जनामा संक्रमण पुष्टी भएका मध्य ३२ जना निको भएका छन् । बबईमा ३२ जनामा संक्रमण पुष्टी भएकोमा २७ जना निको भएर डिस्चार्ज भएको स्वास्थ्य कार्यालयका फोकल पर्सन कमल चन्दले जानकारी दिए । राजपुरमा २० जनामा संक्रमण पुष्टी भएको थियो भने ती मध्ये १९ जना निको भएका छन् । हाल दाङमा ५० जना संक्रिय संक्रमितहरु आइसोलेशनमा रहेका छन् ।