">
- अर्थ सरोकार सम्बाददाता
काठमाडौँ । साताको कारोबारको दोस्रो दिन सोमबार सेयर बजार बढेको छ । आइतबारको तुलनामा बजार २१.११ अंकले बढेर १४३१.४५ बिन्दुमा पुगेको छ ।
नेपाल स्टक एक्सचेन्ज (नेप्से)का अनुसार कुल १ सय ८२ कम्पनीको ४९ लाख २४ हजार २८९ कित्ता सेयर खरिद बिक्री हुँदा २ अर्व १३ करोड ९२ लाखमाथिको कारोबार भएको छ । जसमा सबैभन्दा बढी कारोबार नेपाल पुनर्बिमा कम्पनीको भएको छ । यस कम्पनीको कुल १३ करोड ७२ लाखमाथिको कारोबार भएको छ । त्यसपछि कारोबार क्रमश : नेपाल लाइफ इन्स्योरेन्स र नेको इन्स्योरेन्सको भएको छ ।
यता, आइतबारको कारोबारमा होटल्स उपसुचक घटेको छ भने बाँकी सबै उपसुचक बढेको छ । सबैभन्दा धेरै कर्पोरेट डेभलपमेन्ट बैंक र खानीखोला हाइड्रोपावरलगायत कम्पनीका लगानीकर्ताले कमाएका छन् भने सबैभन्दा धेरै छ्यांदी हाइड्रोपावर र श्री इन्भेष्टमेन्ट फाइनान्सलगायत कम्पनीका लगानीकर्ताले गुमाएका छन् ।
