• अर्थ सरोकार सम्बाददाता 

रोल्पा । ग्लोबल आईएमई बैंकका थप १ कर्मचारीमा कोरोना संक्रमण पुष्टी भएको छ । बैंकको रोल्पा सदरमुकाममा रहेको शाखामा कार्यरत कर्मचारीमा कोरोना संक्रमण पुष्टी भएको हो । कर्मचारीमा कोरोना संक्रमण देखिएपछी लिवाङ बजार त्रसित बनेको छ ।  

बैंकका दुई जना कर्मचारीको परीक्षण गरिएकोमा एक जनालाई संक्रमण देखिएको हो । कर्मचारीमा संक्रमण पुष्टि भएपछि बैंकमा कार्यरत सबै कर्मचारीको पिसिआर परीक्षणका लागि स्वाब निकालिएको छ । संक्रमित कर्मचारीको सम्पर्कमा रहेका सबैको स्वाब परीक्षण गरिने  प्रमुख जिल्ला अधिकारी नरेन्द्रकुमार रानाले बताए । नेपालगञ्जबाट सरुवा भएर रोल्पा  गएका बैंकका कर्मचारीहरुले गत आइतबारदेखि कार्यालयमा काम सुरु गरेका थिए ।