- अर्थ सरोकार सम्बाददाता
सिरहा । सिरहाका २१ बर्षीय युवकको कोरोना संक्रमणबाट मृत्यु भएको छ । धरानस्थित बीपी कोइराला स्वास्थ्य विज्ञान प्रतिष्ठानमा उपचारका क्रममा गोलबजार नगरपालिका वडा नम्बर १२ निवासी २१ बर्षीय युवकको बिहीबार राति मृत्यु भएको हो ।
सिरहाका प्रमुख जिल्ला अधिकारी प्रदीपराज कणेलका अनुसार मिर्गाैला रोगी उनी डायलासिस सेवा लिन धरान पुगेका थिए । उनलाई केहि दिन अगाडि कोरोना संक्रमण पुष्टि भएको थियो । उनको कन्ट्याक्ट ट्रेसिङ्गमा आएका परिवारका चार जनालाई क्वारेन्टिनमा राखिएको छ।
