• अर्थ सरोकार सम्बाददाता 

बुटवल । कपिलवस्तुको कृष्णनगरमा ३ जना सरकारी कर्मचारीमा कोरोना संक्रमण पुष्टी भएको छ । कोरोना संक्रमण पुष्टी भएकामध्ये दुईजना कृष्णनगर नगरपालिकाको महिला विकास शाखामा कार्यरत ३२ वर्षीया महिला र २९ वर्षका पुरुष छन् भने, दिव्यानगर स्वास्थ्य चौकीमा कार्यरत २८ वर्षीय पुरुष स्वास्थ्यकर्मी रहेका छन्। 

नगरपालिकामा कार्यरत कर्मचारीहरुमा गरिएको परीक्षणमा २ जनाको रिपोर्ट पोजेटिभ आएको नगरपालिकाले जनाएको छ । कोरोना भाइरसको संक्रमण पुष्टि भएका ३ जनामा कुनै पनि लक्षण भने नदेखिएको फोकल पर्सन कुमार थापाले बताए । उनीहरु सबै अहिले होम क्वारेन्टिनमा छन् । उनीहरुलाई आइसोलेसनमा ल्याउने तयारी भइरहेको स्वास्थ्य कार्यालय कपिलवस्तुले जनाएको छ ।