काठमाडौँ । रमेश लेखकको बन्दी प्रत्यक्षीकरण रिटमा कारण देखाउ आदेश जारी भएको छ । सर्वोच्च अदालतका न्यायाधीश कुमार रेग्मीको इजलासले लेखकलाई पक्राउ गर्नुको कारण पेस गर्न सरकारका नाममा आदेश जारी गरेको हो ।

लेखकलाई गैरकानूनी रुपमा थुनामा राखिएको भन्दै उनकी पत्नी यशोदाले सर्वोच्च अदालतमा बन्दी प्रत्यक्षीकरणको निवेदन दिएकी थिइन् ।

गत भदौ २३ र २४ गतेको जेनजी आन्दोलनमा भएको दमनमा जिम्मेवार ठहर गर्दै जाँचबुझ आयोगले उनी विरुद्ध मुद्दा चलाउन सिफारिस गरेको थियो ।

आयोगको प्रतिवेदनकै आधारमा वर्तमान सरकारले लेखकलाई चैत १४ गते पक्राउ गरेको थियो ।