• अर्थ सरोकार सम्बाददाता 

काठमाडौँ । साताको कारोबारको तेश्रो दिन मंगलबार सेयर बजार घटेको छ । सोमबारको तुलनामा बजार ७.५९ अंकले घटेर १४५४.८९ बिन्दुमा पुगेको छ । 

नेपाल स्टक एक्सचेन्ज (नेप्से)का अनुसार कुल १ सय ८५ कम्पनीको ३२ लाख ४७ हजार ०६८ कित्ता सेयर खरिद बिक्री हुँदा १ अर्ब २५ करोड माथिको कारोबार भएको छ । जसमा सबैभन्दा बढी कारोबार नेपाल पुनर्बिमा कम्पनीको भएको छ । यस कम्पनीको कुल १० करोड ३५ लाखमाथिको कारोबार भएको छ । त्यसपछि कारोबार क्रमश : नेपाल लाईफ इन्स्योरेन्स र नबिल बैंकको भएको छ ।

यता, सोमबारको कारोबार माइक्रोफाइनान्स र म्युचुअल फन्द उपसुचकहरु बढेका छन् भने बाँकी सबै उपसुचक घटेका छन् । सबैभन्दा धेरै मिर्मिरे माइक्रोफाइनान्स र जोशी हाइड्रोपावरलगायत कम्पनीका लगानीकर्ताले कमाएका छन् भने सबैभन्दा धेरै पोखरा फाइनान्स र नेपाल हाइड्रोदेभलोपर लगायत कम्पनीका लगानीकर्ताले गुमाएका छन् ।