">
- अर्थ सरोकार सम्बाददाता
काठमाडौं । भारतमा कोरोना भाइरसबाट संक्रमितको संख्या ११ लाख ५५ हजार नाघेको छ । भारतको स्वास्थ्य मन्त्रालयका अनुसार पछिल्लो २४ घण्टामा मात्र भारतमा कोरोना भाइरसबाट ३७ हजार १४८ नयाँ संक्रमित थपिएका छन्।
साथै भारतमा पछिल्लो २४ घण्टामा कोरोना भाइरसको कारण ५८७ जनाले ज्यान गुमाएको छ। योसंगै ज्यान गुमाउनेको संख्या २८ हजार ८४ पुगेको छ ।
भारतको सबैभन्दा प्रभावित महाराष्ट्रमा अहिलेसम्म तीन लाख १८ हजारभन्दा बढी संक्रमित फेला परेका छन् भने तामिलनाडुमा एक लाख ७५ हजारभन्दा बढी संक्रमित फेला परेका छन् । त्यस्तै दिल्लीमा एक लाख २३ हजारभन्दा बढी संक्रमित भेटिएका छन् ।
अहिलेसम्म भारतमा कोरोना भाइरसका सात लाख २४ हजार ५७८ संक्रमित निको भएर घर फर्किसकेका छन् ।
