काठमाडौँ । नेपाल प्रिमियर लिग (एनपीएल) को पुरस्कार राशि घोषणा भएको छ । पत्रकार सम्मेलनको आयोजना गर्दै नेपाल क्रिकेट संघ (क्यान)का कोषाध्यक्ष पदमबहादुर खड्काले पुरस्कार राशि घोषणा गरेका हुन् ।

क्यानले घोषणा गरेको पुरस्कार राशि अनुसार एनपीएलको विजेता टोलीले १ करोड ५० लाख रुपैयाँ पुरस्कार पाउनेछ ।

त्यस्तै, भोलिदेखि सुरु हुने एनपीएलमा दोस्रो हुने टिमले ८० लाख र तेस्रो हुने टिमले ४० लाख रुपैयाँ पुरस्कार पाउनेछन् । एनपीएलमा ८ वटा फ्रेन्चाइज टोलीले प्रतिस्पर्धा गर्नेछन् ।

पहिलो उद्घाटन खेल साविक विजेता लुम्बिनी लायन्स र उपविजेता सुदूरपश्चिम रोयल्सबीच हुनेछ ।