- अर्थ सरोकार सम्बाददाता
धनगढी । बिहिबार सुदूरपश्चिम प्रदेशमा थप १६ जनामा कोरोना संक्रमण पुष्टी भएको छ । धनगढीस्थित प्रादेशिक प्रयोगशालामा गरिएको परीक्षणमा थप १६ जनामा कोरोना पुष्टी भएको हो । सेती प्रादेशिक अस्पतालका सूचना अधिकारी दिलिप श्रेष्ठका अनुसार आठ जना महिलामा र आठ जना पुरुषमा कोरोना पुष्टी भएको हो ।
कैलालीको गोदावरी नगरपालिका-९ का पाँच जना, गौरीगंगा नगरपालिकाका तीन जना, कञ्चनपुरको कृष्णपुर नगरपालिकाका एक जना र भीमदत्त नगरपालिकाका एक जना, बाजुराको त्रिवेणी नगरपाका वडा नम्वर १ का दुई जना, अछामको साँफेवगर नगरपालिकाका दुई जना, मंगलसैन नगरपालिका र चौरपाटी गाउँपालिकाका एक/एक जनामा कोरोना पुष्टी भएको उनले बताए ।
