• अर्थ सरोकार सम्बाददाता 

कैलाली । सुदूरपश्‍चिम प्रदेशमा कोरोना संक्रमितको कुल संख्या ३ हजार नाघेको छ । प्रदेशमा आइतबार थपिएका संक्रमितसंगै यो संख्या ३ हजार ५३८ पुगेको हो । पछिल्लो समय सुदूरपश्‍चिममा संक्रमितको संख्या तीव्र गतिमा बढिरहेको पाइएको छ । उक्त प्रदेशबाट हालसम्म ६६२ जना डिस्चार्ज भएका छन् । 

संक्रमितमा ८५० महिला र २ हजार ७ सय २८ पुरुष रहेको सामाजिक विकास मन्त्रालयले जनाएको छ । प्रदेशमा हालसम्म ७ जनाको कोरोना संक्रमणका कारण ज्यान गइसकेको छ । हालसम्म कैलालीमा ९४६, अछाममा ५५४, बैतडीमा २८३, बझाङमा १३९, बाजुरामा ३९०, डडेल्धुरामा २६७, दार्चुलामा १७, डोटीमा ५१४ र कञ्‍चनपुरमा ४२८ जनामा कोरोना संक्रमण पुष्टी भएको छ ।