काठमाडौँ । अमेरिकामा दिनप्रतिदिन कोरोना संक्रमित बढ्दै गइरहेको छ । अमेरिकामा पछिल्लो २४ घण्टामा ५० हजारभन्दा बढीमा कोरोना संक्रमित फेला परेका छन् । बुधबार एकै दिन ५२ हजार ७ सय ८९ संक्रमित थपिकामा बिहीबार ५५ हजार २ सय २० संक्रमित थपिएका हुन्। 

पछिल्लो ९ दिनमा ६ पटक एकै दिन भेटिएको संक्रमितको संख्यामा नयाँ रेकर्ड बनिरहेको छ । देशका सबैभन्दा धेरै जनसंख्या भएका राज्यहरुमा संक्रमितको संख्या बढेसँगै संक्रमितको सख्यामा रेकर्ड वृद्धि भएको हो ।

कम्तिमा ७ राज्यमा संक्रमितको संख्यामा रेकर्ड वृद्धि भएको छ । बिहीबार अलास्का, अर्कान्सास, फ्लोरिडा, जर्जिया, मोन्टाना, साउथ क्यारोलाइना र टेनेसीमा संक्रमितको संख्यामा रेकर्ड वृद्धि देखिएको छ ।

अमेरिकामा हालसम्म १ लाख ३१ हजार वढीले ज्यान गुमाएका छन् भने २८ लाख वढी संक्रमित रहेका छन् । यस्तै झण्डै १२ लाख संक्रमित निको भएका छन् । – एजेन्सी