• अर्थ सरोकार सम्बाददाता 

काठमाडौं । मंगलबार काठमाडौं जिल्लामा थप १२ जनामा कोरोना संक्रमण पुष्टी भएको छ । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले नियमित पत्रकार सम्मेलनमार्फत काठमाडौं जिल्लामा १२ जनामा संक्रमण पुष्टी भएको बताएका हुन् ।

जसमा ५ महिला र ७ जना पुरुष छन् । यस्तै ललितपुरमा एक पुरुष र भक्तपुरमा एक महिलामा कोरोना संक्रमण देखिएको छ । आजमात्रै देशभर ३१६ जनामा संक्रमण पुष्टी भएको थियो ।