• अर्थ सरोकार सम्बाददाता 

काठमाडौँ । पछिल्लो २४ घण्टामा ३१२ जना कोरोना संक्रमित उपचारपछि निको भएर डिस्चार्ज भएका छन् । स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता डा. जागेश्वर गौतमले ३१२ उपचारपछि निको भएर घर फर्केको बताए।

जसमा १९ महिला र २९३ जना रहेका छन्। योसँगै नेपालमा उपचारपछि निको हुनेको संख्या २ हजार ६५० पुगेको छ । जसमा २१६ महिला र २ हजार ४३४ पुरुष रहेका छन् । यस्तै आज मात्रै ४३४ जनामा संक्रमण पुष्टि भएको छ ।