• अर्थ सरोकार सम्बाददाता 

आगामी वर्षको लागि सामाजिक विकास मन्त्रालय, कृषि तथा सहकारी मन्त्रालय र भौतिक पूर्वाधार मन्त्रालयको बजेट बढ्ने देखिन्छ । स्वास्थ्यमा पूर्वाधार एवं जनशक्ति न्यून रहेकोले सामाजिक विकास मन्त्रालयको बजेट बढ्ने छ भने उद्योगको क्षेत्रलाई प्राथमिकता दिएर बजेट विनियोजन गरिने भएको छ । कोरोना महामारीका कारण विदेशबाट धेरै नेपालीहरू फर्किन सक्ने भएकोले उनीहरूलाई रोजगार दिलाउन कृषिमा नयाँ प्याकेज ल्याउने जनाइएको छ । प्रदेशका आर्थिक मामिला तथा योजना मन्त्री किरण गुरुङ सोमबार दिउँसो ४ बजे प्रदेशसभामा आगामी आवको बजेट प्रस्तुत गर्दैछन् ।