">
- अर्थ सरोकार सम्बाददाता
काठमाडौं । युनिभर्सल पावर कम्पनीको नाफा घटेको छ । चालु आर्थिक वर्षको तेस्रो त्रैमास कम्पनीको नाफा ५६.५७% ले घटेर १ करोड ८४ लाख रुपैयाँमा झरेको छ । गत वर्ष यसले ४ करोड २३ लाख रुपैयाँ नाफा कमाएको थियो । कम्पनीको अन्य स्रोतबाट हुने आम्दानी घटेसँगै नाफा खुम्चिएको हो ।
कम्पनीको अन्य स्रोतबाट हुने आम्दानी घटेर २ करोड ८१ लाख रुपैयाँमा झरेको छ । युनिभर्सल पावरले अझै विद्युत उत्पादन गर्न सकेको छैन । कम्पनीको हालसम्म निर्माण कार्य ९८% सम्पन्न गरिसकेको जनाएको छ । हाल यसको चुक्ता पुँजी २ अर्ब १० करोड रुपैयाँ रहेको छ भने जगेडा कोषमा ११ करोड ९२ लाख रुपैयाँ छ ।
चैत मसान्तसम्ममा कम्पनीको प्रतिसेयर आम्दानी १ रुपैयाँ १७ पैसा (वार्षिक) र प्रतिसेयर नेटवर्थ १०५ रुपैयाँ ६८ पैसा रहेको छ । यसले दोलखा जिल्लामा अवस्थित खारे खोलामा निर्माण गरिरहेको ११ मेगावाट जलविद्युत आयोजना अन्तिम चरणमा पुगेको छ ।
